PALANG PINTU ADAT BETAWI
Palang Pintu Betawi merupakan upacara adat Betawi yang biasanya dilaksanakan untuk pernikahan adat betawi.
Palang dalam bahasa berati menghalangi dan pintu berati tempat masuk, palang pintu berarti menghalangi sesuatu yang ingin masuk . Palang Pintu Betawi sendiri yaitu upacara adat betawi dimana pada saat rombongan mempelai laki – laki sampe di tempat mempelai wanita, mempelai laki – laki tidak diperkenankan masuk sebelum menyelesaikan syarat -syarat yang diminta oleh pihak besan mempelai wanita.
Syaratnya biasanya adu dua , yang pertama pihak mempelai laki – laki harus bisa maen silat (mengalahlan tukang pukul pihak mempelai wanita). Syarat kedua yaitu sikeh, mempelai laki – laki dituntut untuk bisa mengaji.
Kaedah yang terkandung dari upacara palang pintu adalah penganten laki – laki dituntut bisa maen silat agar dapat melindungi calon istrinya dari orang – orang yang ingin berbuah jahat.
Dan juga penganten laki – laki dituntut harus bisa mengaji agar nantinya bisa menjadi imam yang baik dalam segi agama islam dan mencontohkan hal – hal baik kepada anak dan istrinya.
“Bulan rowah jangan diitung – itung
baca rawinye kudu pelan – pelan
aye malu ame arwah bang pitung
kalo orang betawi ga bisa ngaji sama maen pukulan”
Sampai pada saat ini belum diketahui siapa yang menciptakan dan mencetuskan upacara palang pintu ini. Selain dilaksanakan utuk acara pernikahan , dewasa ini palang pintu betawi sering dipakai untuk acara khitanan dan penyambutan tamu kehormatan seperti pegawai pemerintahan.
Semoga budaya betawi yang satu ini tidak akan pudar digerus zaman nantinya dan ada generasi muda yang mau melestarikan budaya palang pintu ini agar nantinya anak cucu kita tahu yang namanya budaya palang pintu ini.
Pantun Palang Pintu Betawi
Berikut adalah drama satu babak ketika acara Palang Pintu berlangsung yang diwakili oleh pihak pengantin Perempuan (P) dan pihak penganti Laki (L).
P : Eh … bang-bang berenti, bang budeg ape luh…Eh… bang nih ape maksudnye nih …
selong-selonong di kampung orang, Emangnye lu kagak tahu kalo nih kampung ade yang punye?…
Eh… Bang, rumah gedongan rumah belande, pagarnya kawat tiangnya besi, gue kaga mao tau nih rombongan datengnye dari mane mau
kemane, tapi lewat kampung gue kudu permisi.
L : Oh… jadi lewat kampung sini kudu permisi, bang.
P : Iye emangnye lu kate nih tegalan.
L : maafin aye bang, kalo kedatangan aye ama rombongan kage berkenan di ati sudare-sudare…Sebelomnye aye pengen ucapin dulu nih
Bang…Assalamu, alaikum.
P : Alaikum salam…
L : Begini bang…makan sekuteng di Pasar Jum,at, mampir dulu di Kramat Jati, aye dateng ama rombongan dengan segala hormat, mohon
diterime dengan senang hati.
P : Oh … jadi lu uda niat dateng kemari…eh…Bang, kalo makan buah kenari…, jangan ditelen biji-bijinye…kalo ku udeh niat dateng
kemari…gue pengen tahu ape hajatnye?…
L : Oh… jadi Abang pengen tahu ape hajatnye…emang Abang kage di kasih tau ame tuan rumehnye…Bang, ade siang ade malam, ade bulan
ade matahari, kalo bukan lantaran perawan yang di dalam, kaga bakalan nih laki gue anterin ke mari.
P : Oh… jadi lantaran perawan Abang kemari?…Eh… Bang, kage salah Abang beli lemari, tapi sayang kage ade kuncinye, kage salah
abang datang kemari, tapi sayang tuh… perawan ude ade yang punye.
L : Oh…jadi tuh perawan ude ade yang punye, eh …Bang crukcuk kuburan cine, kuburan Islam aye nyang ngajiin, biar kate tuh perawan
udeh ade yang punye, tetep aje nih laki bakal jadiin.
P : …Jadi elu kaga ngerti pengen jadiin, eh … bang kalo jalan lewat kemayoran, ati-ati jalannye licin, dari pada niat lu kage
kesampaian, lu pilih mati ape lu batalin.
L : Oh… jadi abang bekeras nih…eh …Bang ibarat baju udah kepalang basah, masak nasi udah jadi bubur, biar kate aye mati berkalang
tanah, setapak kage nantinye aye bakal mundur.
P : Oh… jadi lu sangke kage mau mundur, ikan belut mati di tusuk, dalam kuali kudu masaknye, eh… nih palang pintu kage ijinin lu
masuk, sebelum lu penuin persaratannye
L : Oh…jadi kalo mao dapet perawan sini ade saratnye, Bang…?
P : Ade…, jadi pelayan aje ada saratnye… apa lagi perawan…
L : Kalo begitu… sebutin saratnye… Bang…
P: Lu pengen tau ape saratnye…kude lumping dari tangerang, kedipin mate cari
menantu, pasang kuping lu terang-terang, adepin dulu jago gue satu-persatu
L : Oh… jadi kalo mao dapet perawan sini saratnye bekelai Bang…
P : Iye … kalo lu takut, lu pulang…
L : bintang seawan-awan, aye itungin beribu satu, berape banyak Abang punya
jagoan, aye bakal adepin satu-persatu.
Adu Jurus
Setelah adegan di atas, pemain palang pintu biasanya melanjutkan dengan
kembangan. Berikut adalah petikannya.
L : bang, lu tau dalemnye rawe, pasti lu tau kali semanan, kalo mau tau namenye jaware, nih lu liat gue punye maenan (jalanin jurusnye ). Nih ….baru kembangnye …. Bang…ntar buahnye…
P : Kelape ijo ditusuk belati naek, perahu lurus jalannye, udeh banyak jago yang mati, nih jurus pukulannye (jalanin jurusnye)
kalo elu buahnye…
nih bijinye….
Adu Ngaji
Beradu jurus pun berakhir. Pihak pengantin lelaki keluar sebagai pemenang.
Perbincangan pun dilanjutkan kembali.
L : Gimane Bang…rase-rasenye jagoan Abang udeh pade rontok semua nih…
ape aye ame rombongan udah boleh masuk?…ape masih ade saratnye lagi Bang?…
P : Ntar dulu Bang, enak aje… pan lu tau…
buah cereme jangan diasinin
makan nasinye di kandang kude
sarat pertame emang lu ude penuin…
tapi masih ade sarat yang kedue…
L : Sebutin udah bang jangan lame-lame
P : Tukang lakse dagangnye malam
jalannya muter ke pasar kranji
gue minta elu jangan cume bise berantem
tapi gue pengen denger lu bise ngaji
L : Ke daerah Prumpung banyak yang naek Haji , Wilayah begini yang musti di tiruin.
gue punye kampung saban hari pade ngaji, lagu sike yang Abang minta aye bakal bawain.
(baca sikeh)
Gimane Bang… soal berantem aye udah ladenin, soal ngaji abang udah dengerin
ape aye ame rombongan udah boleh masuk, ape masih ade saratnye lagi,
Bang?…
P : Cukup-cukup dah Bang…rase-rasenye kage sie-sie aye bebesanan ame Abang
soal silat Abang jago…soal ngaji Abang bise…aye Cuma bisa bilang…
buah mangga bukan sembarang mangga, buah kuini di lalap-lalpin aye bangga bukan sembarang bangga
mantu yang begini yang aye arep-arepin
ahlan wasahlan buat Abang ame rombongan…
L :Ahlan Bika Assalamu, alaikum…
Selesai
) pada bagian "Slot Baterai" tusuk sedikit pake obeng agar terjadi 